Skip navigation

1. L’equipu ruxidor ye simpatizante d’UNA
2. L’equipu ruxidor tien amigos militantes d’UNA
3. L’equipu ruxidor votó a UNA n’anteriores ocasiones
4. L’equipu ruxidor siempres simpatizó cola xuntanza de les distintes sensibilidaes del nacionalismu asturianu
5. L’equipu ruxidor sofitó la creación d’UNA de mano d’Andecha Astur y d’IAS en 2007
6. L’equipu ruxidor nun pue sofitar nin simpatizar a los militantes d’Andecha Astur que nun tan dientro d’UNA y que siguen usando la siegla Andecha arramplando cola ilusión de los más de los militantes d’esa organización que siguen lluchando pola siegla que-yos pertenecía llexitimamente.
7. L’equipu ruxidor echa cuentes y de tol asturianismu políticu, los actuales usuarios de la siegla Andecha Astur son los únicos que nunca algamaron nengún alcuerdu con otra fuercia política asturiana y que siempre amosaron una voluntá de zarrase nun guetu y nun discursu sectariu.
8. L’equipu ruxidor presta-y muncho qu’UNA busque un proyeutu d’integración ámpliu y abiertu como’l que propón a la sociedá asturiana y al conxuntu del nacionalismu y pide-y que siga asina, marcando’l so camín y medrando pa ser la fuercia pola que toos naguamos.
9. L’equipu ruxidor entiende que la única xuntanza que pola que podría trabayar la UNA sedría col Bloque por Asturies (ensin IU), con xente con sensibilidá asturiana que tuvieron nel PAS y URAS y, porque non, cola xente mozo qu’apuesta de bona voluntá pola sigla Andecha.
10. L’equipu ruxidor tenía qu’enllenar el puntu diez de dalguna manera pero va echar un gabitu pa trabayar polos 9 puntos anteriores.

Advertisements

One Trackback/Pingback

  1. […] Enganchaos al ruxideru, como los nenos « Decálogu de xuntances y ruxideros […]

Comments are closed.

%d bloggers like this: